Пухаты Радион: мах бавдисдзыстӕм Ирыстоны туристон потенциал Австрийӕн

© Sputnik / Наталья АйриянПухаты Радион
Пухаты Радион - Sputnik Хуссар Ирыстон
Бафыссын
Yandex newsTelegram
"Ирон культурӕйы бонтӕ Европӕйы" организатор фӕнд кӕны рауӕрӕхдӕр кӕнын культурон программӕ

ЦХИНВАЛ, 3 авг — Sputnik, Босыкты Наталья. Ирон нывгӕнджыты куыстытӕ ӕмӕ Ирыстоны туристон потенциал бавдисдзысты ацы фӕззӕджы Вена ӕмӕ Берлины цӕрджытӕн программӕ "Ирон культурӕйы бонтӕ Европӕйы" фӕлгӕтты, загъта мадзалы организатор, Ассоциаци "Renaissance Sandidzan"-ы къухдариуӕггӕнӕг Пухаты Радион.

Гасситы Цопан - Sputnik Хуссар Ирыстон
Культурӕйы тæгтæ: Мæскуыйы бакæндзысты ирон аивады фæндзæм фестиваль

Австрийы 2017 аз расидт кӕй ӕрцыд уӕрӕсейаг туризмы азӕй, уымӕ гӕсгӕ, программӕйы организатортӕ бӕстӕйы сӕйраг горӕты сараздзысты чысыл презентаци Ирыстоны туристон потенциалӕн.

"Алы проект дӕр рӕстӕджы цыдимӕ ӕрдомы рацарӕзт. Ирыстоны ис иттӕг хорз туристон потенциал. Фӕлӕ иунӕгӕй уыцы куыст кӕнын зын у, хъӕуы Ирыстоны дыууӕ хаййы разамонджытимӕ дӕр ӕмгуыстадыл баныхас кӕнын", — загъта Пухаты Радион.

Хицӕн ӕзты "Ирон культурӕйы бонтӕ Европӕйы" проектӕн ӕххуыс кодтой ирон ӕхсӕнадты ассоциаци "Сӕндидзӕн", РХИ раздӕры ӕмӕ ныры президенттӕ Тыбылты Леонид ӕмӕ Бибылты Анатолий. Уымӕй дарддӕр ма проекты организатортӕм ӕххуысы къух фӕдаргъ кодтой Цӕгат Иры хицауады раздӕры сӕрдар Такъойты Сергей ӕмӕ республикӕйы сӕргълӕууӕг Битарты Вячеслав.

Ног хабӕртты лентӕ
0