Цæгат Ирыстоны ацæудзæн Кавказы адæмты культурæ æмæ спорты фестиваль

© Sputnik / сайт мэрии ВладикавказаВладикавказ
Владикавказ - Sputnik Хуссар Ирыстон
Рафыссын
Фестивалы хайад исынц авд командæйы – иу мин хайадисæджы бæрц, кæцытæ ерыс кæнынц традицион æмæ националон спорты хуызты

ЦХИНВАЛ, 9 авг — Sputnik. Цæгат Ирыстоны 30 сентябрæй 1 октябрмæ ацæудзæн Кавказы адæмты культурæ æмæ спорты VIII фестиваль, хъусын кæны республикæйы сæргълæууæг æмæ хицауады пресс-службæ.

Фестивалы спортивон ерыстæ ацæудзысты республикон стадион "Спартак"-ы, мадзалы субъекттæ-хайадисджыты националон фæзуæттæ та уыдзысты æвæрд Дзæуджыхъæуы Манежон фæзуатмæ хæстæг.

Гасситы Цопан - Sputnik Хуссар Ирыстон
Культурӕйы тæгтæ: Мæскуыйы бакæндзысты ирон аивады фæндзæм фестиваль

"Мадзалы æрбайгомæй бон раздæр, республикæйы столицæйы ацæудзæн мото-шоу. Ацы мадзал уагъд æрцæудзæн Мæскуыйы спортивон æхсæнады эгидæйы бын. Росконцерты специалисттæ кусынц фестивалы æрбайгомы æмæ сæхгæды программæйыл æмæ сæ коллегæтимæ республикон культурæйы министрад бахæссынц барастгæнинæгтæ æхсæнрегионалон бæрæгбоны сценариймæ, кæцы Цæгат Ирыстон йæхимæ исы фыццаг хатт", — дзырдæуы пресс-службæйы хъусинаджы.

Кавказы адæмты культурæ æмæ спорты фестивалы хайад исынц авд командæйы — иу мин хайадисæджы бæрц, кæцытæ ерыс кæнынц традицион æмæ националон спорты хуызты — армспорт, эстафетæ 4х200м, рæттыл хъæбысхæстæй, фатæй æхсын, уæзтæ исын, мини-футбол æмæ а. д. Уымæй дарддæр ма, регионтæ-хайадисджытæ сæ националон фæзуæтты равæрдзысты сæ традицитæ æмæ æгъдæуттæ, адæмон сфæлдыстады дзауматæ, националон къæбицы хæринæгтæ.

Ног хабӕртты лентӕ
0