ЦХИНВАЛ, 21 авг — Sputnik. Мæнг ныхмæлæууæджы æрбабырстæн радтой ныхкъуырд уæрæсейаг æфсæддонтæ Хуссар Ирыстоны ахуырты рæстæджы, хъусын кæны Хуссар æфсæддон зылды пресс-службæ.
Нысан цæуы, Хуссар Ирыстоны уæвæг уæрæсейаг æфсæддон базæйы дæлхайæдтæ кæй ауагътой тактикон ахуыртæ уæлхох полигон "Дзарцъем"-ы.
"Ахуырты хайад истой 100 æфсæддон службæгæнæджы, 30 иуæджы танкты ныхмæ, автомобилон æмæ сæрмагонд техникæ, афтæ ма æнæпилотон тæхгæ аппараттæ", — дзырдæуы хъусинаджы.
Ахуырты нывæзтмæ гæсгæ, æфсæддонтæ радтой ныхкъуырд мæнг ныхмæлæууæджы æрбабырстæн æмæ йын бакодтой максималон зиан. Службæгæнджытæ сæххæст кодтой æфсæддон æхст фистæгæфсады машинæтæй БМП-2, минææхсæгтæй "Сани", автоматон æмæ къухыл гранатææхсæгтæй АГС-17 æмæ РПГ-7, афтæ ма æхсæн хæцæнгарзæй.