ЦХИНВАЛ, 22 авг — Sputnik. Хуссар Ирыстоны сабаты ацæудзæн джип-триал, кæцы у нывонд республикæйы хæдбардзинад банымайынæн, уый тыххæй Sputnik фехъусын кодта мадзалы организатор, клуб "Скиф 4x4"-ы сæрдар Лæууойты Сева.
"Джип-триал ацæудзæн Ходы хъæуы. Хайад дзы райсдзысты 25 машинæйы – уыдон сты нæ шофыртæ æмæ хайадисджытæ цæгаткавказаг республикæтæй – Кæсæг-Балхъар, Дагестан, Черкесси æмæ Цæгат Ирыстонæй. Регистраци уагъд цæудзæн райсом 10 сахатыл", — загъта Лæууойты Сева.
Организатор банысан кодта, клуб ма ахæм мадзал кæй сарæзта 2014 азы дæр.
Джип-триал уагъд цæудзæн Хуссар Ирыстоны президент Бибылты Анатолийы æххуысæй.
