ЦХИНВАЛ, 24 авг — Sputnik, Босыкты Наталья. Цхинвалы хисæрмагонд хæдзæрттæй иуы æртыццæгæй цыппæрæммæ æхсæвы æрцыд зынгсирвæзт, фехъусын кодтой Sputnik Хуссар Ирыстоны УУМ-ы пресс-службæйы.
Дзабиты Геннадийы уынгыл хисæрмагонд хæдзæрттæй иуы зынгсирвæзты тыххæй фæсидт УУМ-ы радгæсон хайадмæ бацыд æртыццæджы 23:59 сахатыл. Сыгъдхуыссынгæнджыты æрцыдмæ хæдзырд æнæхъæнæй уыд артæфтыд.
"Сыгъдхуыссынгæнджытæ цауы бынатмæ фæхæццæ сты рæстæгыл, фæлæ хæдзар уæдмæ басыгъд. Зынгсирвæзт цы хæдзары æрцыд, уый у æрдæгыл дих. Дыууæ бинонтæ цæрынц иу агъуысты бын. Зынгсирвæзты фæстиуæгæн æнæхъæнæй басыгъд Вадим Петриашвилийы хæдзар æмæ хæдзары дыккаг хайы агъуыст та басыгъд æнæхъæнæй", — загътой уагдоны пресс-службæйы.
Уым банысан кодтой, зынгсирвæзты рæстæджы удзиæнттæ кæй не ′рцыд, ссыгъды аххосæг та нырма не сбæлвырд. УУМ-ы инспектортæ уадзынц равзæрст.
Йæхæдæг йæхиуыл зынгæфтауæг
Цæстæйфенджыты версимæ гæсгæ, хæдзар ссыгъта Петриашвили йæхæдæг, кæцы уый размæ бирæ хатт фæдзырдта телефонæй сыхæгтæй иумæ æмæ дзырдта "кæй хъуамæ сараза зынгæфтыд". Сыхаг æртхъирæнтæ бамбæрста йæхимæ æмæ йæ рæдыд бамбæрста, Петриашвилийæн йæхи хæдзар куы ссыгъд, уæд.
"Тынг мæ фæнды æмæ барæй зынгæфтыды верси разына мæнг æмæ зынгсирвæзты аххосæг Петриашвили ма разына", — загъта сыхæгтæй иу.
Аннæ сыхаджы ныхæстæм гæсгæ та зынгвæдисонты æрцыды онг, хæдзары хицау райдыдта йæхæдæг рудзгуыты æвгтæ æддейæ дæрæн кæнын, уый фæстиуæгæн арт ссыгъд дывæр тыхæй æмæ æнамонд цауы фæстиуджытæ уыдысты серьезондæр.
