ЦХИНВАЛ, 24 авг — Sputnik, Босыкты Наталья. Ресторан "Vincenzo" Цхинвалы ауадздзæн акци ирон богалты фарс хæцынæн, кæцытæ майрæмбоны сæ тыхтæ бавзардзысты Уæрæсейы æмбырдгонды сконды уæгъдибар хъæбысхæстæй Дунейы чемпионаты Парижы, радзырдта Sputnik уагдоны хицау Уалыты Альберт.
"Майрæмбоны æнæхъæн бон рестораны кусджытæ кусдзысты Уæрæсейы æмбырдгонды хæдæтты. Ӕмбырдгонд æмæ не ′мзæххонты тохтæм рестораны уазджытæн уыдзæн фадат кæсын комкоммæ эфиры. Ӕртыккаг уæладзыгыл верандæйы уыдзæн æвæрд стыр проектор, ныртæккæ фæзуат уым рацарæзт цæуы сæрмагондæй уыйы тыххæй", — загъта Уалыты Альберт.
Йæ ныхæстæм гæсгæ, акци арæзт цæуы уæгъдибар хъæбысхæстæй Уæрæсейы æмбырдгонды сæйраг тренер Тедеты Дзамболаты хъæппæрисæй, кæцы вæййы "Vincenzo"-йы арæх уазæг.
