ЦХИНВАЛ, 25 авг — Sputnik. Хуссар Ирыстоны паддзахадон арӕн Гуырдзыстонимӕ ӕхгӕд ӕрцыд ӕртӕ боны ӕмгъуыдмӕ, хъусын кӕны президент ӕмӕ хицауады пресс-службӕ.
Уагдоны куыд банысан кодтой, афтӕмӕй арӕны сӕхгӕды тыххӕй фехъусын кодта Паддзахадон ӕдасдзинады комитеты (ПӔК) сӕрдар тыхон структурӕты минӕвӕрттимӕ президент Бибылты Анатолийы ӕмбырды рӕстӕджы.
"ПӔК-ы сӕрдар Михаил Шабанов фехъусын кодта, арӕныл фӕрогдӕргонд режимы уадзӕн пункттӕ ӕхгӕд кӕй ӕрцыдысты абонӕй 27 августы райсомы онг", — дзырдӕуы хъусинаджы.
Хуссар Ирыстон 26 августы банысан кӕндзӕн Уӕрӕсейы "рдыгӕй йӕ суверенитет банымайыныл фараст азы сӕххӕсты бӕрӕгбон. Республикӕйы столицӕ ӕмӕ районты уагъд ӕрцӕудзысты цытджын мадзӕлттӕ.
