Sputnik хоны цхинвайлӕгты акцимӕ "Ацы Банымады бон"

© Sputnik / Ада БагианРХИ Тырысайы бон
РХИ Тырысайы бон - Sputnik Хуссар Ирыстон
Рафыссын
Акцийы уӕлахиздзау райсдзӕн лӕвар Sputnik Хуссар Ирыстонӕй

ЦХИНВАЛ, 25 авг — Sputnik. Информацион агентад ӕмӕ радио Sputnik Хуссар Ирыстон Хӕдбардзинад банымайыны бон раарфӕ кӕндзӕн республикӕйы цӕрджытӕн бӕрӕгбоны цытӕн ӕмӕ сӕ фӕхондзӕн хайад райсынмӕ акци "Ацы Банымады бон"-ы.

Уый тыххӕй хъӕуы сисын къам Sputnik фотозонӕйы фоныл, кӕцы боны дӕргъы ӕвӕрд уыдзӕн Цхинвалы Ногдзауты парчы, равӕрын уыцы къам Инстаграмы хисӕрмагонд профилы хэштэгимӕ #ЭтотДеньПризнания ӕмӕ дзы бахахх кӕнын фарс sputnik_ossetia. Иууыл фылдӕр ӕвӕрццаг нысӕнттӕ цы къам райса, уый автор райсдзӕн лӕвар Sputnik Хуссар Ирыстонӕй.

Sputnik Хуссар Ирыстоны къухдариуӕггӕнӕг Нарек Ордян: "26 август ссис уӕлдай ахсджиаг бон республикӕйы алкӕцы цӕрӕгӕн дӕр. Ацы бӕрӕгбон банысан кӕнынмӕ ӕрбаиу ис Sputnik дӕр, кӕцы радзурдзӕн ацы циндзинады тыххӕй ӕппӕт дунейӕн. Нӕ зӕрдӕтӕ зӕгъынц Республикӕ Хуссар Ирыстонӕн райдзаст фидӕн ӕмӕ сабырдзинад!"

© Sputnik / Донат Хачиров Sputnikы фотозонӕ Банымады бонмӕ
Макет фотозоны Sputnik на День признания независимости РЮО - Sputnik Хуссар Ирыстон
Sputnikы фотозонӕ Банымады бонмӕ

Портал Sputnik Хуссар Ирыстон йӕ куыст райдыдта националон ӕмӕ уырыссаг ӕвзӕгтыл 2015 азы июны. Ресурсы редакторты ӕмӕ журналистты профессионалон командӕ кӕсджыты размӕ хӕссы актуалон ӕхсӕнадӕмон цауты фӕдыл алыгъуызон цӕстӕнгас. Радио Sputnik Хуссар Ирыстон дзуры бӕстӕйы ӕппӕт территорийыл, ӕмӕ адӕмы размӕ хӕссы ӕхсӕнадон-политикон ӕмӕ культурон тематикӕйы фӕдыл программӕтӕ. Афтӕ ма ног хабӕртты рауагъдтӕ.

Мультимедион пресс-центр Sputnik Республикӕ Хуссар Ирыстоны (г. Цхинвал, Мӕскуыйы уынг, 5) — нырыккон мультимедион фӕзуат, бӕрзондтехнологион ифтонггарз, кӕцы дӕтты фадат ӕндӕр ӕмӕ ӕндӕр форматы мадзӕлттӕ уадзын. Журналистты ӕмӕ уазджыты дӕлбарады сты — ӕнцонвадат пресс-зал, информациимӕ кусыны инфраструктурӕ, уый нымӕцы Wi-Fi. Sputnik (sputniknews.com) — ног хабӕртты агентад ӕмӕ радио мультимедион информацион хабтимӕ дӕсгай бӕстӕты. Sputnik-ы сконды сты 30 сайттӕй фылдӕр, аналогон ӕмӕ цифрон радиофидиуӕн, мобилон ӕмхасӕнтимӕ ӕмӕ социалон хызӕгты фӕрстимӕ.

Ног хабӕртты лентӕ
0