ЦХИНВАЛ, 5 сен — Sputnik. Цæгат Кавказы ахуырты æнæпилотон хæдтæхджыты хайадистæй архайынц 2,5 мин æфсæддон службæгæнæджы. Уый тыххæй РИА Новости фехъусын кодта Хуссар æфсæддон зылды (ХӔЗ) пресс-службæйы хистæр булкъон Вадим Астафьев.
"Хуссар æфсæддон зылды 58 æфсады ракетон æмæ артиллерион дæлхайæдтæ, кæцытæ уæвынад кæнынц Цæгат Кавказы æмæ Фæскавказы, райдыдтой быдырон ахуыртæ. Архайы дзы 2,5 мин æфсæддоны æмæ техникæйы 500 иуæджы", — загъта уый.
Вадим Астафьев ма банысан кодта, быдырмæ сæ рахызты рæстæджы æфсæддонтæ кæй бакусдзысты хæддзæугæ 152-мм гаубицæтæй, æмæхсты реактвион системæтæ "Торнадо-Г" æмæ "Ураган"-æй æхсыныл. Ӕхсты нысан сбæлвырд кæнынæн пайда кæндзысты æнæпилотон хæдтæхджытæй.
