ЦХИНВАЛ, 6 сен — Sputnik. Цæгат Ирыстоны Тарскæйы полигоны райдыдтой тактикон ахуыртæ æфсæддон æхстимæ Хуссар æфсæддон зылды (ХӔЗ) мотоæхсæн бригадæйæн, хъусын кæны ХӔЗ пресс-службæ.
Мотоæхсæн батальон растад фæдисы æмæ абалц кодта кæнгæ ныхмæлæууæджы диверсион-разæсгарæн къордты архайды уавæрты.
Ахуырты архайы 500 æфсæддон службæгæнæджы, полигонмæ акодтой танктæ Т-90, æфсæддон машинæтæ БМП-3, хæддзæугæ артиллерион хæцæнгарз 2С19 "Мста", 120-миллиметрон минометтæ "Сани", командон-штабон хæдтулгæтæ Р-166 æмæ Р-419Л1.
Уымæй дарддæр ма ахуырты спайда кæндзысты æнæпилотон тæхæн аппаратты комплекс "Застава"-йæ.
Зылды ма бамбарын кодтой, уæлдай хъусдард здæхт кæй æрцыд æфсады профессионалон арæхстдзинадмæ.
