ЦХИНВАЛ, 7 сен — Sputnik. Цæгат Ирыстоны цытджын уавæры бакодтой Уæрæсейы фыццаг тхэквондойы галуан, хъусын кæны Цæгат Ирыстоны сæргълæууæджы пресс-службæ.
Цытджын цермони ацыд тхэквондойы олимпаг резервы спортивон скъолайы хъомылгæнинæгтимæ. Æрæмбырдуæвджытæн раарфæ кодта Цæгат Ирыстоны сæргълæууæг Битарты Вячеслав.
Объекты арæзтадмæ бавнæлдтой 2014 азы, фæлæ куыст цыд фæстиæдтимæ æмæ паддзахадон контракт бахъуыд фехалын æмæ финансон фæрæзтæ федералон бюджетмæ аздахын.
Республикæйы разамонæджы фæрцы ногæй райдыта арæзтад, ног нардуатдарæг аст мæймæ балхынцъ кодта арæзтад. Арæзтады иумæйаг аргъ слæууыд 170 милуан сомы.
Сæйраг залы цыппар гауызыл сæ бон уыдзæн æмрæстæджы сæхи цæттæ кæнын 90 спортсменæн. Кæсджыты трибунæтæ нымад сты 500 адæймагыл. Ис дзы дарæсивæн хатæнтæ æмæ хæрæндон. Кæрты та хæдтулгæтæ уромæн бынат.
Галуанæн йæ бон уыдзæн суазæг кæнын æппæтуæрсейон æмæ æхсæнадæмон турниртæ
