ЦХИНВАЛ, 12 сен — Sputnik. Мæхъиты Ирина радон хатт ссис дунейы чемпион армрестлингæй, хъусын кæны Ossetia News, Цæгат Ирыстоны спорты министрады пресс-службæйы хъусинагыл æнцойгæнгæйæ.
Будапешты кæронмæ бахæццæ ис дунейы чемпионат армспортæй. Чемпионаты фæстаг бон рабæрæг сты тыхджындæртæ рахиз къухæй хæцгæйæ.
Дунейы чемпионы ном радон хатт рамбылдта Мæхъиты Ирина. Уый тыхджындæр разынд 80 кг уæзы категорийы. Уый хыгъд Мæхъиты Ирина ссис дунейы чемпион 20 хатты.
Уымæй дарддæр ма æвзист майдан рамбылдта Цæрукъаты Роман. Бронзæйы хицау баисты Гæбуты Луиза æмæ Таутиаты Георгий.
