ЦХИНВАЛ, 12 сен — Sputnik. Тедеты Владимиры номарæн IV-æм æхсæнадæмон турниры Къуыдаргомы рабæрæг кæндзысты фæсивæды ʻхсæн тыхджындæр богалты, фехъусын кодтой Sputnik спорты комитеты пресс-службæйы.
Тедеты Владимиры номарæн турнир Къуыдаргомы цæуы цыппæрæм хатт, æрвылаз дæр æй æрæмных кæнынц горæт Къуаисайы бонмæ. Спортивон мадзалмæ æрхуыдтой Абхаз, Дагестан, Кæсæг-Балхъар æмæ Цæгат Ирыстоны богалты.
"Ерыстæ цæудзысты 15-17 сентябры. Сæйраг тохтæ цæудзысты фæстаг дыууæ боны, турнир рабæрæг кæндзæн тыхджындæрты 2002-2003 æзты гуырд спортсменты хсæн", — загътой пресс-службæйы.
Ивгъуыд æнусы 90-æм æзты гуырдзиаг–ирон æмæ ирон-мæхъæлон хæстыты хъайтар Тедеты Владимир райгуырд Къуаисайы. 1989-1992 æзты уыд Къуыдаргомы хъахъхъæнджыты раздзог. 1992 азы Мæхъæлимæ хæсты ныхмæлæуды хъæбатырæй фæмард. Хæстон хъайтары ном хæссы горæт Къуаисайы уынгтæй иу.
