ЦХИНВАЛ, 13 сен – Sputnik. Цхинвалы адавтой популярон дукани "Тандем", къæрных уырдыгæй рахаста 96 мин сомы, хъусын кæны МХМ пресс-службæ.
Уагдоны бамбарын кодтой, давæг кæй бахызт дуканийы базайрæгты æвæрæнмæ.
"Оперативон-агурæн мадзæлтты рæстæджы сбæрæг кодтой æмæ æрурæдтой фыдракæнды зæрдæхсайгæ адæймаг — Цхинвалы 36-аздзыд цæрæджы", — дзырдæуы хъусинаджы.
Зæрдæхсайгæ адæймаг бархийæ фæстæмæ раздæхта, цы фæрæзтæ райста, уыдон, бафтыдтой МХМ-йы.
