ЦХИНВАЛ, 26 сен — Sputnik. Хуссар Ирыстоны хицæуттæ адæттой Гуырдзыстонæн йе 'мбæстæгтæй цыппары, кæцытæ арæнхъахъхъæнджытæ æрцахстой республикæйы арæны режим фехалыны тыххæй, загътой Паддзахадон æдасдзинады комитеты пресс-службæйы.
Феддæдуары размæ уыдон бафыстой ивар.
"Оперативон-агурæн мадзæлттæ æххæст кæныны рæстæджы 18 сентябрæй 23 сентябрьмæ Гуырдзыстонимæ РХИ паддзахадон арæныл Дзауы районы Ерманы æмæ Цхинвалы районы Арцеуы хъæуты паддзахадон арæны режим фехалыны тыххæй æрцахстой Гуырдзыстоны æмбæстæгтæй цыппары", — загътой ПӔК-ы.
Фæткхалджытæ разындысты Тбилисы цæрджытæ Гогоадзе Георгий (1986 азы гуырд), Аблотия Лика (1990), афтæ ма Гуырдзыстоны Гуры районы Плависмани æмæ Квешийы хъæуты цæрджытæ Окруашвили Ясон (1941) æмæ Элизбарашвили Тариэл (1954).
Дзауы æмæ Цхинвалы районты территориалон тæрхондæтты уынаффæмæ гæсгæ, азымгæндтыл æвæрд æрцыд административон бæрндзинад ивары хуызы æмæ йæ бафидыны фæстæ уыдон феддæдуар кодтой Гуырдзыстонмæ.
