ЦХИНВАЛ, 26 сен — Sputnik. Бастдзинады дæлхайады кусджытæ Хуссар Ирыстоны уæрæсейаг æфсæддон базæйыл бакуыстой телекоммуникацион комплекс "Редут-2УС"-ыл, хъусын кæны Хуссар æфсæддон зылды пресс-службæ.
Нысан цæуы, Хуссар Ирыстонæй дарддæр ма ахуыртæ уагъд кæй æрцыдысты ХӔЗ-ы дæлхайæдты Цæгат Кавказы, афтæ ма Абхаз æмæ Сомихстоны æфсæддон базæты. Хайад сæ райстой 3,5 мин æфсæддон службæгæнæджы æмæ 700 иуæджы æфсæддон техникæ.
"Комплексон тринировкæты рæстæджы уæлдай хъусдард здæхт æрцыд, цæмæй æфсæддон службæгæнджытæ фæхæст уой бастдзинады цифрæйон ног фæрæзтыл, сæрмагондæй, автономон телекоммуникацион комплекс "Редут-2УС"-ыл, — дзырдæуы хъусинаджы.
Ахуыртæ адарддæр сты 20 боны, тактикон ахуырты рæстæджы специалисттæ бакуыстой къухдариуæгады змæлгæ пунктты айтынгыл æмæ алыгъуызон уавæрты æнæфескъуыйгæ бастдзинад сифтонг кæныныл.
