ЦХИНВАЛ, 28 сен — Sputnik. Кавказы адæмты культурæ æмæ спорты VIII фестивалы æрбайгомы официалон церемонийы агъоммæ мадзалы организатортæ ауаддзысты спорты экстремалон хуызты уæрæх бæрæгбон, хъусын кæны РЦИ-Аланийы Физикон культурæ æмæ спорты министрады пресс-службæ.
Равдыстон программæ уагъд æрцæудзæн 30 сентябры Сæрибардзинады фæзуатыл.
Сæ арæхстдзинад равдисдзысты спорты экстремалон хуызты минæвæрттæ, куыд фристайл-мотокросс, биг-эйр, BMX, вело-триал.
Мотофристайл æвдыст уыдзæн уæрæсейаг хуыздæр командæтæй иу FMX-13 — спортсментæ равдисдзысты гæппытæ æмæ трюктæ мотоциклтыл. Биг-эйры дисциплинæйы сæ арæхстдзинад равдисдзысты Уæрæсейы арæхстджындæр спортментæ.
