ЦХИНВАЛ, 28 сен — Sputnik. Уæрæсейы президент Владимир Путин схорзæхджын кодта УФ-йы фыццаг минæвары Хуссар Ирыстоны Къарджиаты Эльбрусы Кады Орденæй, хъусын кæны УФ-йы минæварад РХИ-ы.
"Уæрæсейаг Федерацийы æддагполитикон курсы реализацимæ стыр хайбавæрд бахæссыны тыххæй, Уæрæсейы президент Владимир Путины барамындæй Уæрæсейы фыццаг минæвар Хуссар Ирыстоны Къарджиаты Эльбрус хорзæхджын æрцыд паддзахадон хорзæхæй – Кады Орденæй", — дзырдæуы хъусинаджы.
Къарджиаты Эльбрус лæууыд уæрæсейаг дипломатон миссийы сæргъ 2008 азы кæронæй фæстæмæ. Йæ къухдариуæгады рæстæджы арæзт æрцыд минæварадон комплекс Цхинвалы.
