ЦХИНВАЛ, 28 сен — Sputnik, Козаты Диана. Хуссар Ирыстоны президент Бибылты Анатолий йæ указæй ссæрибар кодта Информаци æмæ мыхуыры паддзахадон комитеты сæргълæууæджы хæдивæг Джуссойты Неллийы, фехъусын кодтой президент æмæ хицауады пресс-службæйы.
Президенты указмæ гæсгæ, ацы бынатмæ нысан æрцыд Плиты Михаил, кæцы раздæр лæууыд президенты администрацийы информацион-аналитикон управленийы сæргъ.
Цыппæрæмы Бибылты Анатолий бафыста цалдæр указы республикæйы информацион къабазы ног къухдариуæггæнджыты тыххæй. Ног хистæртæ æвæрд æрцыдысты дыууæ газеты – "Южная Осетия" æмæ "Хурзæрин", Информацион агентад "Рес"-ы æмæ Паддзахадон телерадиокомпани "Ир"-ы.
