ЦХИНВАЛ, 3 окт — Sputnik. Республикæ Цæгат Ирыстон – Аланийы сæргълæууæг Битарты Вячеслав бахаста хъæппæрис æмдзæрæндæтты цы æмбæстæгтæ цæрынц, уыдон ног цæрæнуæттæй сифтонг кæныны тыххæй, хъусын кæны мыхуыры орган Слово.
Проект æххæст цæуы æмбæстæгты аварион цæрæнуæттæй ракæныны фæдыл паддзахадон программæйы фæлгæтты.
Республикæйы къухдариуæггæнæг радта хæслæвæрд ацы хъæппæрис бахæссын 2019 азæн прораммæмæ.
Районты сæргълæуджытимæ æмбырды рæстæджы равдыстой Ӕрыдоны районы хæдзæрттæй иуы цæрджыты видеохъусынгæнинаг. Цæрджытæ рахъаст кодтой се 'взæр уавæртæй – рæстæгæй рæстæгмæ сын кæй ахицæн кæнынц дон æмæ рухс. Районы сæргълæууæг Тотраты Владислав равдыста разыдзинад хъусынгæнинагимæ æмæ загъта, ацы æмдзæрæндон сцалцæг кæнынæн 2018 азы рахицæн кæй æрцæудзысты æнæмæнгхъæуæг фæрæзтæ.
