Ирыстоны хъæлæс: Цхинвалы равзардзысты хуыздæр зарæггæнæджы

© Sputnik / Наталья АйриянIron Rock фестиваль
Iron Rock фестиваль - Sputnik Хуссар Ирыстон
Рафыссын
Эстрадон зарæджы конкурсмæ сæ куырдиæттæ балæвæрдтой 25 адæймаджы, се ʻхсæн зындгонд зарæггæнджытæ – Дзигойты Марина æмæ Авагимова Элла

ЦХИНВАЛ, 11 окт — Sputnik, Плиты Фатимæ. Хуссар Ирыстоны Адæмон сфæлдыстады центр равзардзæн республикæйы хуыздæр зарæггæнæджы конкурс-фестиваль "Ирыстоны хъæлæсты" фæлгæтты, фехъусын кодта центры пресс-секретарь Къæбысты Зæринæ.

Конкурс-фестиваль "Ирыстоны хъæлæстæ" уагъд æрцæудзæн Цхинвалы къуырисæры, 16 октябры. Конкурсы архайын кæй фæнды, уыдонæй майрæмбонмæ ист цæуынц куырдиæттæ.

Дзæуджыхъæуы филармони - Sputnik Хуссар Ирыстон
Ирон музыканттæ фæуæлахиз сты вокалистты æхсæнадæмон конкурсы

"Уагæвæрдмæ гæсгæ дзы нæй кары арæнтæ, сæйраг у рæсугъд æмæ зæлланг хъæлæсы хицау уæвын, ома зарын зонын. Зарæггæнджыты ралæудты радтæ фæбæрæг уыдзысты халæппæрсты руаджы, Ирыстоны хуыздæр хъæлæс равзардзысты къуырисæры Цхинвалы", — загъта Зæринæ.

Уый ма банысан кодта, эстрадон зарæджы конкурсмæ ныридæгæн сæ куырдиæттæ кæй балæвæрдтой 25 адæймаджы, се ʻхсæн куыд зындгонд зарæггæнджытæ, афтæ ма ацы дæсныйады йæхи фыццаг хатт чи фæлвары, уыдон.

Уымæй дарддæр ма, Зæринæйы ныхæстæм гæсгæ, Адæмон сфæлдыстады центр æмрæстæджы ауадздзæн æндæр конкурс дæр.

"Ныр дыккаг аз уадзæм конкурс "Бинонтæ — курдиаты стъалыгуппар", цы ран фæархайынц иу бинонтæй рацæугæ сфæлдыстдон кусджытæ. Дыууæ конкурс дæр цæудзысты иу боны дæргъы", — бафтыдты уый.

Конкурсантты ралæудтæн саргъ кæндзæн жюри культурæйы министрады кусджыты скондæй.

Ног хабӕртты лентӕ
0