Сывæллæтты фыссæг: сабиты хъæуынц аргъæуттæ ирон æвзагыл

© Sputnik / Наталья АйриянБекъойты Майя
Бекъойты Майя - Sputnik Хуссар Ирыстон
Рафыссын
Майя литературæ бауарзта хæрз чысылæй, йæ фыццаг æмдзæвгæ ныффыста фæндзæм къласы

ЦХИНВАЛ, 12 окт — Sputnik, Уалыты Диана. Бекъойты Майя кусы цхинвайлаг скъолайы æмæ фыссы сабитæн аргъæуттæ ирон æвзагыл. Ацы аз мыхуыры рацыд йæ чиныг "Уарзон сабитæн", цы ран дзырд цæуы динозавр Рудик æмæ æндæр цæрæгойты хабæрттыл. Фыссæг нымайы, мадæлон æвзагмæ уарзондзинад кæй хъæуы чысылæй æфтауын.

Майя литературæ бауарзта хæрз чысылæй, йæ фыццаг æмдзæвгæ ныффыста фæндзæм къласы.

"Ме ′мдзæвгæтæ уыдысты мæ чысыл хойы тыххæй – уыдысты хуымæтæг, хъæлдзæг", — мысы фыссæг.

Ӕстæм къласы йе сфæлдыстад фæсерьезондæр ис æмæ йæ йæ мад бакодта литературон журнал "Фидиуæг"-ы редакцимæ.

"Журналы редакцийы мын уыд хъарм райст – ныммыхуыр мын кодтой ме ′мдзæвгæтæ, радтой мын рекомендацитæ æмæ уынаффæтæ. Ме ′сфæлдыстадон фæндагыл мын баххуыс кодта Гуыцмæзты Алеш, поэт Пухаты Алыксандр мын авæрдта поэтикон дзырдуат. Уый фæстæ ме ′мдзæвгæтæ райдыдтой цæуын газет "Советская Осетия"-йы фæрстыл", — радзырдта уый.

© Sputnik / Наталья АйриянБекъойты Майяйы чиныг
Бекъойты Майяйы чиныг - Sputnik Хуссар Ирыстон
1/4
Бекъойты Майяйы чиныг
© Sputnik / Наталья АйриянБекъойты Майяйы чиныг
Бекъойты Майяйы чиныг - Sputnik Хуссар Ирыстон
2/4
Бекъойты Майяйы чиныг
© Sputnik / Наталья АйриянБекъойты Майяйы чиныг
Бекъойты Майяйы чиныг - Sputnik Хуссар Ирыстон
3/4
Бекъойты Майяйы чиныг
© Sputnik / Наталья АйриянБекъойты Майяйы чиныг
Бекъойты Майяйы чиныг - Sputnik Хуссар Ирыстон
4/4
Бекъойты Майяйы чиныг
1/4
Бекъойты Майяйы чиныг
2/4
Бекъойты Майяйы чиныг
3/4
Бекъойты Майяйы чиныг
4/4
Бекъойты Майяйы чиныг

Фыссæджы ныхæстæм гæсгæ, аргъæуттæ фæзындысты йæ лæппуйы райгуырдимæ, кæцыйæн æй фæндыд радзурын рæсугъд æмæ зæрдæхæлар дунейы тыххæй.

"Чиныджы сæйраг хъуыды у сывæллæтты рæсугъддзинады æнкъарæныл бафтауын. Радзурын хорзы тыххæй, кæцы алыхатт дæр фæуæлахиз вæййы æвзæрыл æмæ кæцымæ хъæуы тырнын. Сывæллæттæ мах ивынц хорзырдæм", — бафтыдта фыссæг.

Фыссæджы ныхæстæм гæсгæ, тынг ахсджиаг у сывæллæттæн мадæлон æвзагыл чингуытæ кæсын æмæ сæ уымæ уарзондзинадыл æфтауын хæрз чысылæй. Ныр 21 азы уый амоны ирон æвзаг скъолайы æмæ зонгæ кæны ахуыргæнинæгты мадæлон æвзаджы рæсугъддзинадимæ.

"Хъæуы дзурын сывæллæттæн, куыд рæсугъд у не ′взаг. Нæ традицитæ æмæ культурæ. Кæцæй базондзысты уыдæттæ, кæд æмæ сын сæ хистæртæ нæ радзурой? Скъолайы мах уадзæм алыгъуызон мадзæлттæ, дзурæм скъоладзаутимæ ирон æвзагыл, дзурæм сын ирон æгъдæутты тыххæй – афтæ сывæллæттæм фæзыны цымыдис сæ культурæ æмæ æвзагмæ", — банысан кодта Майя.

Ног хабӕртты лентӕ
0