ЦХИНВАЛ, 13 окт — Sputnik пресс-службæ. Хуссар Ирыстоны президент Бибылты Анатолий схорзæхджын кодта æхсæнадæмон агентад æмæ радио Sputnik Хуссар Ирыстоны къухдариуæггæнæг Ордян Нарекы "Республикæйыл 25 азы сæххæсты цытæн" майданæй. Информацион агентады сæргълæууæг райста паддзахадон хорзæх регионы цæуæг цаутæн объективон аргълæвæрды тыххæй, афтæ ма Хуссар Ирыстон æмæ Уæрæсейы адæмты æхсæн ахастытæ, хæларад æмæ æмгуыстад сфидар кæнынмæ хисæрмагонд хайбавæрды тыххæй.
"Фæнды мæ зæгъын бузныг Хуссар Ирыстоны адæмимæ цæсгомджын куыст æмæ æнтыстджын æмгуыстады тыххæй. Чысыл рæстæгмæ информацион агентад Sputnik къухты бафтыд стыр æнтыстытæ æмæ алыхатдæр объективонæй æвдыста республикæйы цæуæг цаутæ", — загъта Хуссар Ирыстоны президент Бибылты Анатолий.
Ӕхсæнадæмон агентад æмæ радио Sputnik Хуссар Ирыстоны къухдариуæггæнæг Ордян Нарек дæр загъта бузныг президентæн æмæ банысан кодта Хуссар Ирыстон уымæн кæй ссис тынг æввахс.
"Ӕз мæ зæрдæмæ æввахс исын æмæ цин кæнын, ам цы цæуы, уыдæттыл. Тынг æхсызгон мын у, ахæм хорз адæм æмæ профессионалты æхсæн кæй цæрын æмæ кусын", — загъта уый.
Sputnik Хуссар Ирыстон йæ куыст райдыта 2015 азы. Йе сконды ис информацион портал ирон æмæ уырыссаг æвзæгтыл, радиоресурс æмæ мультимедион пресс-центр.
Ног хабæртты портал Sputnik Хуссар Ирыстон ис фыццаг бынатыл бæстæйы интернет ресурсты хсæн. Sputnik (sputniknews.com) — ног хабӕртты агентад ӕмӕ радио мультимедион информацион хабтимӕ дӕсгай бӕстӕты. Sputnik-ы сконды сты 30 сайттӕй фылдӕр, аналогон ӕмӕ цифрон радиофидиуӕн, мобилон ӕмхасӕнтимӕ ӕмӕ социалон хызӕгты фӕрстимӕ. Рафысджытӕн ног хабӕртты лентӕтӕ ӕнӕхъӕн суткӕйы дӕргъы цӕуынц англисаг, арабаг, испайнаг ӕмӕ китайаг ӕвзӕгтыл.
