ЦХИНВАЛ, 23 окт — Sputnik. Цæгат Ирыстоны Тарскæйы полигоны ацæудзæн ХӔЗ-ы разысграджыты хатдзæгон басгæрст сæрмагонд къахвæндагыл, хъусын кæны РИА Новости зылды пресс-службæйыл æнцойгæнгæйæ.
"Цæгат Ирыстон – Аланийы Тарскæйы полигоны ХӔЗ-ы 58-æм æфсады мотоæхсæн бригадæйы сгарæн батальоны æфсæддон службæгæнджытæ æрæвнæлдтой 2017 ахуыры азæн хатдзæгон басгæрст раттынмæ", — хъусын кæны пресс-службæйы хистæр Вадим Астафьев.
Пресс-службæйы ма банысан кодтой, полигоны разысгарджытæ кæй рацæудзысты цæлхдурты километрон хахх "Разысгарæджы къахвæндаг" номимæ.
Къахвæндаг арæзт у 30 алыгъуызон элементæй, зæгъæм, дурджын систæ, дæлзæхх фæндæгтæ, ауыгъд хидтæ æмæ афтæ дарддæр.
Сгарджытæ ма равдисдзысты сæ арæхстдзинад алыгъуызон хæцæнгарзæй æхсынæй, бронетраспортертæ скъæрынæй æмæ марш-бросок саразынæй, бафтыдтой пресс-службæйы.
