ЦХИНВАЛ, 23 окт — Sputnik. Хуссар Ирыстоны президент Бибылты Анатолий йæ указæй бахаста бæрæгбæттæ æмæ зæрдылдарæн бонты къæлиндармæ ног бæрæгбон – Статистикæйы кусæджы бон.
Паддзахады сæргълæууæджы пресс-службæ куыд хъусын кæны, афтæмæй статистикæйы кусæджы бон нысан цæудзæн 31 октябры.
Хуссар Ирыстоны бæрæгбæттæ æмæ зæрдылдарæн къæлиндары ис 60-йæ фылдæр датæйы, кæцыты нысан кæнынц æрвылаз, уыдон нымæцы – Республикæйы бон (20 сентябрь), РХИ хæдбардзинад Уæрæсейы æрдыгæй банымад (26 август), Ӕхсардзинад æмæ адæмон иудзинады бон (23 ноябрь), РХИ хæдбардзинад расидыны фæдыл акт райсыны бон (29 май).
