Цхинвайлаг гимнасткæты къухты бафтыд призон бынæттæ УФ-йы турниры

© Из личного архива З.Цховребовой Цхинвайлаг гимнасткæтæ
Цхинвайлаг гимнасткæтæ - Sputnik Хуссар Ирыстон
Рафыссын
Сæ фыццаг ерысты республикæйæн æддейæ æрыгон гимнасткæтæн бантыст призон бынæттæ бацахсын

ЦХИНВАЛ, 23 окт — Sputnik. Хуссарирыстойнаг æрыгон гимнасткæтæ рамбылдтой æвзист æмæ бронзæ эстетикон гимнастикæйæ Краснодары уагъд цæуæг æппæтуæрæсейаг ерысты "Сыгъзæрин фæззæг", фехъусын кодта Sputnik гимнастикæйы федерацийы сæргълæууæг Цхуырбаты Земæ.

"Ерысты хайад райстой нæ дыууæ командæйы – 8-10 азы кары гимнасткæтæ. Хистæр къорд ссис æвзист призер, кæстæр къорд — "Ир-Олимп Валерия" — рамбылдта бронзæ. Æртыккаг бынат цы программæимæ бацахстой, уый ахуыр кæнынц нырма цыппар мæйы. Фæстиуджытæ бæрзонд сты, фæлæ нæ нырма бирæ кусын хъæуы", — загъта Цхуырбаты Земæ.

Федерацийы президент бахахх кодта, уыдон кæй уыдысты чызджыты фыццаг рацæугæ ерыстæ.

Гимнастикӕ - Sputnik Хуссар Ирыстон
Цхинвайлаг гимнасткæтæ архайдзысты Цæгат Иры номæй уæрæсейаг ерысты

"Ныры онг алыгъуызон ерыстæм цыд хистæр командæ. Ныр сæ арæхстдзинад райдыдтой æвдисын нæ чысыл гимнасткæтæ дæр. Уый уыд дыууæ æрыгон командæйы фыццаг хайадист республикæйæн æддейæ цæуæг турниры", — бафтыдта Цхуырбаты Зема.

Тренер ма банысан кодта, эстетикон гимнастикæ республикæйы кæй ис æрмæстдæр æртæ азы.

Разæй гимнасткæтæм æнхъæлмæ кæсы хайадист Аивадон гимнастикæйæ гом фестивалы "Звездная радуга", кæцы ацæудзæн Санкт-Петербурджы 17-18 ноябры.

Уымæй дарддæр ма ноябры кæрон хуссарирыстойнаг гимнасткæтæ хуынд сты ерыстæм Ставропольмæ.

Ног хабӕртты лентӕ
0