ЦХИНВАЛ, 25 окт — Sputnik. Адæмон парти раразмæ кæндзæн Харебаты Сергейы кандидатурæ парламенты вице-спикеры æмæ хъахъхъæнынад æмæ æдасдзинады фæдыл комитеты сæргълæууæджы бынатмæ. Уый тыххæй фехъусын кодта Адæмон партийы разамонæг Плиты Александр.
Хуссар Ирыстоны парламенты депутаттæ дыццæджы схъæлæс кодтой парти "Иугонд Ирыстон"-æй депутат Тасойты Дмитрийæн йе 'ххæстбартæн æмгъуыдæй раздæр кæрон скæнынæн. Июлы парламент равдыста æнæууæнк, куыд вице-спикер æмæ хъахъхъæнынад æмæ æдасдзинады фæдыл парламентон комитеты разамонæгæн.
"Райсом сессийыл алы парти дæр æрбавдисдзæн йæ кандидатурæтæ вице-спикер æмæ хъахъхъæнынад æмæ æдасдзинады фæдыл парламентон комитеты разамонæджы бынатмæ æмæ нæ парти нывæнды ацы бынæттæм раразмæ кæнын Харебаты Сергейы кандидатурæ. Мах æй нымайæм иууыл аккагдæр кандидаттæй иуыл ацы постмæ", — хъусын кæны Плиты Александры ныхæстæ парламенты пресс-службæ.
Фæстаг уалдзыгон сессийы куысты рæстæджы парламенты сæргълæууæг Гасситы Петр радта хæслæвæрд Хуссар Ирыстоны парламенты сæргълæууæг æмæ хъахъхъæнынад æмæ æдасдзинады фæдыл парламентон комитеты разамонæджы бынатмæ кандидатурæтæ æрбавдисын.
