ЦХИНВАЛ, 26 окт — Sputnik. Мæскуыйы 26-27 октябры уагъд æрцæудзæн уæгъдибар хъæбысхæстæй Шевалье Нусуевы номыл æхсæнадæмон турнир, хъусын кæны Уæгъдибар хъæбысхæсты федерацийы сайт.
Турниры, кæцы фыццаджыдæр уагъд цæуы куыд равзæрст Польшæмæ дунейы фыццагадмæ 23 азы кары онг, тох кæндзысты Уæрæсейы æмбырдгонды лидертæй бирæтæ.
"Риойы олимпиаг чемпион Рæмонаты Сослан йæ карьерæйы сæйраг уæлахизæй фæстæмæ ерысты хайад иста æрмæстдæр иу хатт – ссис æфсæддон службæгæнджыты æхсæн дунейы чемпион. Ӕмæ Шевалье Нусуевы номарæн турнир уæгъдибар хъæбысхæстæй уымæн у хорз фæлтæрддзинад операцийы фæстæ. Уый архайдзæн 70 кг онг уæзы категорийы", — дзырдæуы хъусинаджы.
Турниры ма райсдзысты хайад дунейы чемпион Цæболты Хетæг, 2017 азы дунейы чемпионаты призер Уалыты Владислав, Европæйы чемпионатты призер Байцаты Владислав.
Уымæй дарддæр ма, Азербайджаны æмбырдгонды сконды архайдзæн ноджы иу ирон богал Ӕлборты Асланбег (97 кг онг).
