ЦХИНВАЛ, 8 ноя — Sputnik. Ӕнæпилотон тæхгæ аппараттæй спайда кæндзысты Хуссар Ирыстоны полигонтæ рæмудзæн æрмæджытæй ссыгъдæг кæныны контролæн, хъусын кæны РИА Новости Хуссар æфсæддон зылды пресс-службæйыл æнцойгæнгæйæ.
"Минæтæй ссыгъдæг кæныны фæдыл контроль уагъд цæудзæн æнæпилотон тæхгæ аппаратты руаджы, уый та ратдзæн фадат уадзгæ мадзæлтты эффективондзинад фæбæрзонддæр кæнын æмæ æдасдзинады домæнты фехæлд рæстæгыл иуварс кæнын", — фехъусын кодта ХӔЗ-ы пресс-службæйы хистæр Вадим Астафьев.
Хуссар Ирыстонæй дарддæр ма ХӔЗ-ы 58-æм æфсады æфсæддон дæлхайадтæ æмæ иумæйагæфсæддон баиугæндты сапертæ сæдас кæндзысты рæмудзæн æрмæджытæ, кæцытæ баззадысты 2017 азы ауадзгæ ахуырты фæстæ Цæгат Ирыстоны, Дагестан, Цæцæн, Кæсæг-Балхъар æмæ Мæхъæлы полигонты. ХӔЗ-ы 58-æм æфсады аст полигоны территориты иумæйаг фæзуат у 20 мин гектарæй фылдæры бæрц.
Рæмудзæн æрмæджытæ агурыны рæстæджы ма спайда кæндзысты минæагурджытæ æмæ ахуыр куыйтæй. Тæссаг рæмудзæн æрмæджытæ куынæг цæуыдзысты бынаты. Уымæй дарддæр ма, полигонты ауаддзысты сæрмагонд полигонон ифтонггарзы цалцæггæнæн куыстытæ.
