ЦХИНВАЛ, 8 ноя — Sputnik, Козаты Диана. Хуссар Ирыстоны хицауад адæтта Гуырдзыстонæн йæ æмбæстæгтæй дыууæйы, кæцыты амæй размæ æрцахстой республикæйы паддзахадон арæны режим фехæлды тыххæй, фехъусын кодтой Паддзахадон æдасдзинады комитеты пресс-службæйы.
Арæнсæттджыты æрцахстой 3 æмæ 5 ноябры Хуссар Ирыстон æмæ Гуырдзыстоны арæны фадыгыл Знауыры районы Балтайы хъæумæ æввахс.
"Уыдон сты Гуырдзыстоны Карелы районы Атоци æмæ Чвринисийы хъæуты цæрджытæ – Плиты Земфира (1971 а. г.) æмæ Джеранашвили Придон Арсены фырт (1975 а. г.)", — фехъусын кодтой ПӔК-ы.
Знауыры районон тæрхондон аскъуыддзаг кодта азымгæндтæн административон бæрн ивары хуызы. Йæ бафидыны фæстæ уыдон федæддуар кодтой Гуырдзыстонмæ.
