ЦХНИВАЛ, 9 ноя — Sputnik. Ӕдзухон бындурыл фæлварæнтæ дæттыны ног модель развæлгъау ныхасимæ фæнд кæнынц бакæнын 2019 азы, хъусын кæны Ossetia News Цæгат Ирыстоны ахуырады министрады информацийыл æнцгойгæнгæйæ. Уæдмæ ног модель фæлвардзысты тестон режимы, йæ хатдзæгтæ не ʻндавдзысты паддзахадон хыгъдон аттестацимæ (ПХА) бауадзыныл.
"Уырыссаг æвзаг амоныны концепци æххæст кæныны фæлгæтты скъоладзаутæ куыд арæхсынц уырыссагау дзурынмæ, уый рабæрæг кæныны нысанæн конд цæуы ацы фæлварæн. Хъуыды кæнынæн сын лæвæрд цæуы æрмæстдæр иу минуты бæрц", — загътой министрады.
Фæлварæны уыдзæн цыппар хæслæвæрды: бакæсын текст хъæрæй, текст радзурын уæлæмхас информаци бафтаугæйæ, хицæн темæйыл монолог æмæ экзаменаторимæ диалог.
Алкæцы ахуырдзауæн дæр хæслæвæрд сæххæст кæнынæн лæвæрд цæуы 15 минуты.
