Хуссар Ирыстоны Президенты Кубокы сæраппонд мини-футболы турниры уæлахиздзау ссис Паддзахадон æдасдзинады комитеты командæ. Дыккаг бынат бацахста цхинвайлаг микрорайон "Текстиль"-ы командæ.
Æртыккаг бынатыл тох та цыд Фаллаг фарс æмæ Хъахъхъæнынады министрады командæты хсæн, сæйраг рæстæджы тыхджындæр нæ рабæрæг ис — пенальтиты фæстæ хъазт ахицæн 5:4 хыгъдæй Фаллаг фарсы пайдайæн.
Финалон фембæлдтæ æрæмбырд кодтой зынгæ фылдæр кæсджыты. Хъазтмæ сæ хъус дардтой Спартак — Алания æмæ Спартак — Цхинвалы ветерантæ, хицауады уæнгтæ æмæ футболуарзджытæ.
Турниры хатдзæгтæм гæсгæ ма æвзæрст æрцыдысты турниры цыппар хуыздæр хъазæджы: хуыздæр дуаргæсы ном лæвæрд æрцыд ПӔК-ы командæйы дуаргæс Цхуырбаты Сæрмæтæн, хуыздæр хъахъхъæнæгыл банымадтой Фаллаг фарсæн хъазæг Кокойты Азæмæты. Хуыздæр размæбырсæг ссис командæ "Барсаланы" футболист Гаглойты Александр æмæ турниры хуыздæр хъазæг та ссис Гæбæраты Дзамболат — Текстилы командæйы уæнг.
Турниры уæлахиздзау Президенты Кубокæй дарддæр райста 50 мин сомы, æвзист призер — 30 мин æмæ æртыккаг бынаты хицау та — 20.
