ЦХИНВАЛ, 10 ноя — Sputnik. Дзæуджыхъæуы 18-19 ноябры уагъд æрцæудзæн уæгъдибар хъæбысхæстæй æхсæнадæмон турнир "Алантæ", уый тыххæй фехъусын кодта 15 регион республикæйы спорты министрады пресс-службæйыл æнцойгæнгæйæ.
Турнир ацæудзæн Цæгат Ирыстоны сæргълæууæг Битарты Вячеславы хъæппæрис æмæ æххуысæй. Мадзалы организатортæ сты Цæгат Ирыстоны хицауад, хъæбысхæсты иугонд дуне æмæ Уæрæсейы спортивон хъæбысхæсты федераци.
Турниры призон фонд у 80 мин доллары бæрц: 1-аг бынат — 5000$, 2-аг бынат — 2000$, 3-аг бынат — 1000$; уæлахиздзауы тренер — 1000$.
Ерысты хайад райсыны фæдыл сæ разыдзинады тыххæй фехъусын кодтой 11 бæстæйы æмбырдгæндтæ, уыдон нымæцы Уæрæсе, Гуырдзыстон, Украинæ, Казахстан, Белорусси, Сомихстон, Монголи, Словаки, Германи, Турк, Болгари.
