Хуссар Ирыстоны президент фембæлдзæн Мæскуыйы Путинимæ

© Пресс-служба президента РЮО Бибылты Анатолий æмæ Владимир Путин
Бибылты Анатолий æмæ Владимир Путин - Sputnik Хуссар Ирыстон
Бафыссын
НовостиTelegram
Бибылты Анатолий æмæ Владимир Путин æруынаффæ кæндзысты Цхинвал æмæ Мæскуыйы æхсæн ахастыты райрæзты æппæт комплексыл

ЦХИНВАЛ, 13 ноя — Sputnik. Хуссар Ирыстоны президент Бибылты Анатолий ныццыд официалон визитимæ Мæскуымæ, цы ран фембæлдзæн Уæрæсейы президент Владимир Путинимæ, фехъусын кодтой республикæйы президент æмæ хицауады пресс-службæйы.

УФ президент В. Путин - Sputnik Хуссар Ирыстон
Путин: Хуссар Ирыстон хъæбатыр тохы бахъахъхъæдта йæ сæрибардзинады бар

Уый суыдзæн дыууæ бæстæты сæргълæуджыты дыккаг фембæлд, фыццаг хатт уыдон фембæлдысты майы Сочийы, Бибылты Анатолийы инаугурацийæ цалдæр бон фæстæдæр.

"Президент ис официалон визитимæ Мæскуыйы Владимир Путины фæхуындмæ гæсгæ. Дыууæ президентты фембæлд нывæзтгонд у дыццæгмæ, 14 ноябрьмæ", — загътой пресс-службæйы.

Фарсытæ нывæндынц æруынаффæ кæнын "дыууæварсон ахастыты райрæзты æппæт комплексыл, фыццаджыдæр социалон-экономикон къабазы, афтæ ма регионалон æмæ æхсæнадæмон проблемæтыл".

"Уæлдай хъусдард аздæхт æрцæудзæн Фæскавказаг регионы æдасдзинад æмæ стабилондзинад сфидар кæныны темæйæн", — бафтыдтой пресс-службæйы.

Бибылты Анатолийы визит Уæрæсемæ адарддæр уыдзæн 15 ноябрьмæ.

Ног хабӕртты лентӕ
0