Ӕвзонг хӕдахуыр актерты Цхинвалы хонынц конкурсы хайад райсынмӕ

© Sputnik / Анна КабисоваТеатр "Саби"
Театр Саби - Sputnik Хуссар Ирыстон
Бафыссын
НовостиTelegram
Ӕппæтреспубликон хæдахуыр театрты конкурс-фестивалы фæлгæтты рабæрæг кæндзысты хуыздæр сылгоймаджы æмæ нæлгоймаджы фæлгонцтæ, афтæ мæ хуыздæр режиссерон куыст æмæ спектакль дæр

ЦХИНВАЛ, 16 ноя — Sputnik, Плиты Фатимæ. Хуссар Ирыстоны культурæйы министрады адæмон сфæлдыстады центр хоны хæдахуыр театрты дыккаг æппæтреспубликон конкурс-фестиваль "Весь мир театр"-ы хайдад исынмæ, фехъусын кодта центры пресс-секретарь Къæбысты Зæринæ.

Фестиваль национального танца - Sputnik Хуссар Ирыстон
Националон кафты фестиваль рабӕрӕг кодта хуыздӕр хореографион коллективтӕ

Хæдахуыр театрты конкурс-фестиваль ацæудзæн 10 декабры. Куырдиæттæ ист цæудзысты 27 ноябрьмæ.

"Хæдахуыр театрты дыккаг æппæтреспубликон фестиваль "Весь мир театр"-ы хайад райсыны фадат ис алкæмæн дæр æнæ кары арæнтæй. Архайдзысты дзы хæдахуыр къордтæ æмæ скъолаты кружоктæ. Фестивальмæ бавдисгæ куыстыты бындурыл жюрийы уæнгтæ равзардзысты хуыздæр сылгоймаджы æмæ нæлгоймаджы фæлгонцтæ, афтæ ма хуыздæр режиссерон куыст æмæ спектакль дæр", — радзырдта Къæбысты Зæринæ.

Уый ма банысан кодта, æппæтреспубликон хæдахуыр театрты конкурс-фестиваль фыццаг хатт Хуссар Ирыстоны ацыд ивгъуыд аз апрелы мæйы. Уæд иууыл хуыздæр спектакль бацæттæ кодта Цхинвалы скъола-интернаты драмкружок.

Ног хабӕртты лентӕ
0