ЦХИНВАЛ, 17 ноя — Sputnik, Плиты Фатимæ. Хуссар Ирыстоны паддзахадон телеуынынады проект — аивадон-документалон киноныв "IRON VANDEE" ахызт æфсæддон-патриотикон кинонывты æмæ алæвæрдты IX-æм æхсæнадæмон фестиваль "Ӕнусон арт"-ы финалмæ, фехъусын кодта Sputnik фильмы режиссер Мамиты Григорий.
Аивадон–документалон кинонывы архайынц театры актертӕ ӕмӕ республикӕйы цӕрджытӕ. Фильм дзуры ивгъуыд ӕнусы 20 ӕзты ирон адӕмы геноцидыл.
"Гуырахстджын фествалы архайæм, 200 проекты сты призты претенденттæ. "IRON VANDEE" архайы хуыздæр режиссурæйы номинацийы. Нæ киноныв рацыд æвзæрст æмæ ахызт финалмæ. Сабаты фæбæрæг уыдзæн хуыздæр куыст", — загъта Мамиты Григорий.
"IRON VANDEE" систа ПТРК "Ир". Фильмыл куыстой режиссер Мамиты Григорий, продюсер Бестауты Юля, режиссеры ӕххуысгӕнӕг Цхуырбаты Сергей, оператор-монтажер Хаситы Михаил ӕмӕ ӕндӕртӕ. Аивадон–документалон кинонывы архайынц театры актертӕ ӕмӕ республикӕйы цӕрджытӕ. Фильм дзуры ивгъуыд ӕнусы 20 ӕзты ирон адӕмы геноцидыл.
"IRON VANDEE" æрæджы Цæгат Ирыстоны уагъд цæуæг æппæтуæрæсейон медиафестиваль "Восхождение"-йы дæр райста сæрмагонд призтæ.
