ЦХИНВАЛ, 20 ноя — Sputnik. Хуссар Ирыстоны паддзахадон драмон театр райсдзæн хайад æхсæнадæмон фестивалы "Южная сцена".
"Дæс театры Уæрæсе, Таджикистан, Абхаз æмæ Хуссар Ирыстонæй равдисдзысты сæ спектаклтæ æхсæнадæмон фестивалы "Южная сцена", кæцы æрбайгам уыдзæн къуырисæры Нальчикы", — хъусын кæны РИА Новости.
Фестиваль ацæудзæн дыууæ фæзуатыл æмæ æрбайгом уыдзæн Вахидовы номыл таджикаг паддзахадон фæсивæдон театры спектаклæй "Ӕхсæв Фыдыбæстæйæн æддейæ". Уыцы бон ма ацæудзæн Чанбайы номыл Абхазы паддзахадон драмон театры спектакль "Фистæгæй".
Хуссарирыстойнаг театр равдисдзæн Кæсæг-Балхъары Александр Островскийы спектакль, уый тыххæй йæ интервьюйы Sputnik радзырдта театры аивадон къухдариуæггæнæг Дзуццаты Тамерлан.
"Нальчикы равдисдзыстæм Александр Островскийы "Хъæд", йæ сæвæрыныл куыста Мæскуыйæ æрхонгæ специалист, æрыгон курдиатджын режиссер Андрей Цисарук", — радзырдта уый.
Ноябры театр абалц уыдзæн гастролты алыгъуызон театралон фестивалты хайад райсыны нысанæн, цы ран уый нывæнды равдисын æртæ æндæр æмæ æндæр спектаклтæ, кæцытæ сæвæрдтой æрыгон курдиатджын режиссертæ.
