ЦХИНВАЛ, 28 ноя — Sputnik. Хуссар Ирыстоны президент Бибылты Анатолий бацыд Ирӕтты уынгмӕ ӕмӕ аныхас кодта кӕлӕццаг хӕдзӕртты цӕрджытимӕ, хъусын кӕны бӕстӕйы сӕргълӕууӕджы пресс-службӕ.
Ацы кӕлӕддзаг хӕдзӕрттӕ хаст ӕрцыдысты Цхинвалы мэрияйы балансмӕ.
Цалдӕр бинонтӕ, кӕцытӕ уыдысты цӕрӕнуатон уавӕртӕ фӕхуыздӕр кӕныны хъуаг, раздӕр балыгъдысты ног фатертӕм Маяковскийы уынгыл.
Ирӕтты уынджы цӕрджытӕй иу бахатыд президентмӕ куырдиатимӕ, цӕмӕй йын баххуыс кӕна йӕ цӕрӕнуатон проблемӕ аскъуыддзаг кӕнынӕн.
"Мæхæдæг цæрын хъæуты, фæлæ зымæджы æрцæуын ардæм. Ам цæры мæ чызг йæ бинойнаг æмæ сæ цотимæ. Митуардты рæстæджы уыдон бахсæвиуат кæнынц къæлидоры, уымæн æмæ тæрсынц агъуысты æркæлынæй", — радзырдта уый.
Президент банысан кодта, сæ алвыварс кæй ис бирæ зæронд æмæ æркæлынæввонг арæзтæдтæ, кæцыты цæрджытæ тагъд рæстæджы сæ сыхæгтау бацæудзысты ног хæдзæрттæм, уымæн æмæ сæ бирæтæ лæууынц фатертæм радты.
