Цхинвайлаг каратисткæтæ айгæрстой сæхицæн фæндаг æхсæнадæмон аренæмæ

© Из архива Донны ДудаевойДудайты Донна æмæ Гаглойты Диана
Дудайты Донна æмæ Гаглойты Диана - Sputnik Хуссар Ирыстон
Каратисткæты тренеры ныхæстæм гæсгæ, радон ерысты размæ уыдоны хъæуы бакусын цухдзинæдтыл æмæ фæхуыздæр кæнын спортивон формæ

ЦХИНВАЛ, 29 ноя — Sputnik, Козаты Диана. Хуссар Ирыстоны киокусин-кан федерацийы сæйраг тренер Созаты Владимиры хъомылгæнинæгты бакодтой Уæрæсейы æмбырдгонды скондмæ. Ӕнтыстджын ралæудтæ 2017 азы ерысты радтой фадат Дудайты Донна æмæ Гаглойты Дианайæн ног спортивон бæрзæндтæ басæттын.

Ӕрыгон каратисткæтæ равдыстой Sputnik сæ арæхстдзинад - Sputnik Хуссар Ирыстон
Ӕрыгон каратисткæтæ равдыстой Sputnik сæ арæхстдзинад

Ноябры чызджытæ истой хайад Уæрæсейы фыццагады. Дудайты Донна ссис турниры уæлахиздзау йæхи кары къорды, Гаглойты Диана та райста бронзæ.

"2017 азы ерысты хайадистты фæстиуджытæм гæсгæ, Гаглойты Диана æмæ Дудайты Донна баконд æрцыдысты Уæрæсейы 2018 азмæ фæсивæдон æмбырдгонды скондмæ. Ацы хорз хабар махæн фехъусын кодта Уæрæсейы киокусин-кан каратэйы федерацийы секретарь", — сказал Sputnik Созаты Владимир.

Йæ ныхæстæм гæсгæ, ныр спортсменкæтæн байгом фæндаг æхсæнадæмон спортивон аренæмæ, уый та æмрæстæджы æвæры стырдæр бæрн куыд тренерыл, афтæ каратисткæтæн сæхиуыл.

Созаты Владимир банысан кодта, кæй сæ хъæуы активон куыст бакæнын цухдзинæдтæ аиуварс кæныныл æмæ сæ спортивон формæ фæхуыздæр кæныныл.

"Ныртæккæ спортсменкæтæ кусынц сæ физикон фадæттыл, дарддæры этап – техникон архæйдтытæ æмæ тох уадзыны тактикæ фæхуыздæр кæнын", — бафтыдта тренер.

Февралы Донна æмæ Диана райсдзысты хайад Ӕппæтуæрæсейаг ерысты "Кубаны кубок"-ы, кæцы ацæудзæн Краснодары.

Ног хабӕртты лентӕ
0
Нырма ногтӕНырма зӕрӕттӕ
loader
Эфиры
Заголовок открываемого материала