ЦХИНВАЛ, 4 дек — Sputnik. Цхинвайлаг æрмхæцджытæ Цæгат Ирыстоны фыццагадæй æрхастой æппæт хуызы майдантæ дæр. Хæбæлаты Арсен, Плиты Батрадз æмæ Дыгъуызты Милена юниорты хсæн рамбылдтой сыгъзæрин, æвзист æмæ бронзæ майдантæ, фехъусын кодта Sputnik сæ тренер Джиоты Валерий.
Уæлахиздзауты æмæ призерты бæлвырд кодтой рахиз æмæ галиу къухты очкоты иумæйаг бæрцмæ гæсгæ.
"Хæбæлаты Арсен ссис фыццаг. Плиты Батрадз æмæ йæ ныхмæлæууæг дæр æмсæр равдыстой сæхи, фæлæ Батрадз уæззаудæр кæй у, уымæ гæсгæ йæ ныхмæлæууæгмæ æмбæлд уæлахиз, уый хыгъд ссис æвзист призер", — загъта тренер.
Уый ма банысан кодта, Дыгъуызты Милена амæй размæ кæй райста травмæ æмæ уый тыххæй ацыд æрмæстдæр æртыккаг бынатыл.
Æнтыстджын архайд æмæ призон бынæттæ фæсивæдæн фадат радтой Уæрæсейы фыццагады стох кæнынæн. Æрмхæцджытæ ныридæгæн бавнæлдтой Уæрæсейы фыццагадмæ цæттæ кæнынмæ, кæцы уыдзæн февралы райдианы Екатеринбурджы.
