ЦХИНВАЛ, 5 дек — Sputnik. Ирон боксер Гасситы Мурӕт ӕмӕ кубӕйаг Юниер Дортикосы тох ацӕудзӕн 3 февралы Сочийы. Уый тыххӕй йӕ пресс-конференцийы МИА "Россия Сегодня"-йы загъта Мурӕты промоутер Евгений Вайнштейн.
Тох уагъд ӕрцӕудзӕн Фыццаг ӕхсӕнадӕмон боксерон форумы фӕлгӕтты Стыр ихын галуаны аренӕйыл.
Октябры Гасситы Мурӕт нокауты арвыста польшӕйаг Кшиштоф Влодарчикы ӕмӕ рахызт турниры ӕрдӕгфиналмӕ. Йӕ радон ныхмӕлӕууӕг суыдзӕн кубӕйаг Юниер Дортикос.
