ЦХИНВАЛ, 6 дек — Sputnik, Босыкты Наталья. Уæгъдибар хъæбысхæстæй дунейы чемпион Цæболты Хетæг æмæ Европæйы чемпионатты призер Бацайты Владислав хайад райсдзысты Дунейы клубон чемпионаты, кæцы ацæудзæн Тегераны 7-8 декабры, хъусын кæны Спортивон хъæбысхæсты федерацийы сайт.
Ерысты архайдзысты 12 командæйы дунейы 10 бæстæйæ. Иранæй æртæ командæйы, фæйнæ къорды та Гуырдзыстон, АИШ, Казахстан, Инди, Монголи, Венгри, Киргизи, Болгари æмæ Канадæйæ.
Цæболты Хетæг æмæ Байцаты Владиславæй дарддæр турниры архайдзысты фондз уæрæсейаг спортсмены – олимпиаг чемпион Абдулрашид Садулаев, олимпиадæйы призер Аниуар Гедуев, дунейы чемпионтæ Магомед Курбаналиев æмæ Магомедрасул Газимагомедов.
Ираны ерыстæ цæудзысты ног фæткмæ гæсгæ.
