ЦХИНВАЛ, 8 дек, Sputnik пресс-службæ. Мультимедион пресс-центр Sputnik-ы фæзуаты ацыд ног проект "Брифинг Хъотайты Марияимæ"-йы презентаци. Мадзалы фæлгæтты муыхуыр æмæ информацийы комитеты сæрдар Хъотайты Мария дзурдзæн йæ хъуыдытæ Хуссар Ирыстон æмæ дунейы ахсджийаг цауты фæдыл.
Брифингтæ цæудзысты Sputnik пресс-центры фæзуатыл æрвылцыппæрæм, видеоверси фенæн уыдзæн агентады сайтыл, афтæ ма нæ YouTube каналыл.
"Фыццаг рады уый у ног цымыдисон фæлтæрддзинад, æз мæхи бафæлвардзæн эксперты хуызы, ныфс мæ ис агентад Sputnik мæнæн кæй суыдзæн хорз стартон фæзуат", — загъта комитеты сæрдар.
"Махæн æхсызгон у агентад Sputnik Хуссар Ирыстоны ног проект бавдисын. Фæстæдæр мах фæнд кæнæм проектмæ æрбамбал кæнын æндæр спикерты дæр, куыд Хуссар Ирæй, афтæ Уæрæсейæ дæр. Ныфс нæ ис, ацы алæвæрд цымыдисон кæй уыдзæн бынæттон аудиторийæн дæр", — бафтыдта агентад Sputnik Хуссар Ирыстоны хистæр Виталий Раднаев.
Sputnik Хуссар Ирыстон йæ куыст райдыдта 2015 азы. Йе сконды ис информацион портал ирон æмæ уырыссаг æвзæгтыл, радиоресурс æмæ мультимедион пресс-центр.
Ног хабæртты портал Sputnik Хуссар Ирыстон ис фыццаг бынатыл бæстæйы интернет ресурсты хсæн. Sputnik (sputniknews.com) — ног хабӕртты агентад ӕмӕ радио мультимедион информацион хабтимӕ дӕсгай бӕстӕты. Sputnik-ы сконды сты 30 сайттӕй фылдӕр, аналогон ӕмӕ цифрон радиофидиуӕн, мобилон ӕмхасӕнтимӕ ӕмӕ социалон хызӕгты фӕрстимӕ. Рафысджытӕн ног хабӕртты лентӕтӕ ӕнӕхъӕн суткӕйы дӕргъы цӕуынц англисаг, арабаг, испайнаг ӕмӕ китайаг ӕвзӕгтыл.
