Ирыстойнаг барæг ссис иууыл хуыздæр бæхты спортæй дунейы кубокы

© Федерация Конного Спорта РоссииЦæгатирыстойнаг бæхты-спортивон скъолайы хъомылгæнинаг Тугъанты Владимир
Цæгатирыстойнаг бæхты-спортивон скъолайы хъомылгæнинаг Тугъанты Владимир - Sputnik Хуссар Ирыстон
Бафыссын
НовостиTelegram
Спортсмен бацахста фыццаг, дыккаг æмæ æртыккаг бынæттæ программæйы æндæр æмæ æндæр хуызты

ЦХИНВАЛ, 12 дек — Sputnik. Катары столицæ Дохæйы уагъд æрцыд Дунейы кубок конкурæй, цы ран хайад райста æхсæнадæмон классы спорты дæсны, цæгатирыстойнаг бæхты-спортивон скъолайы хъомылгæнинаг Тугъанты Владимир, хъусын кæны республикæйы спорты министрады пресс-службæ.

Бæхдугътæ Беслæны - Sputnik Хуссар Ирыстон
Бибылты Анатолий Беслæны ипподромы: Ирыстон алыхатдæр сæрыстыр уыд йæ барджытæй

Ерысты фæлгæтты дыууæ къуырийы мидæг барджытæ сæ тыхтæ æвзæрстой программæйы 6 хуызы. Турниры фæстиуджытæм гæсгæ, Тугъанты Владимир бацахста фыццаг, дыккаг æмæ æртыккаг бынæттæ программæйы æндæр æмæ æндæр хуызты æмæ ссис турниры иууыл хуыздæр спортсмен.

Ацы турниры хайадист у 2018 азы дунейы чемпионатмæ цæттæгæнæн этаптæй иу, кæцы ацæудзæн Америкæйы. Ныртæккæ Тугъаны фырт йæхи цæттæ кæны егъау ногазон æхсæнадæмон турнирмæ Германийы.

Ног хабӕртты лентӕ
0