ЦХИНВАЛ, 12 дек — Sputnik, Козаты Диана. Теннисы тренер Джиоты Мирианы, кæцыйы æрцахстой бастдзинады раздæры министр Къæбысты Георгиимæ, рауагътой ахæстонæй. Уый загъта Sputnik, уагъд кæй æрцыд республикæйæ ацæуынæй тобæимæ.
Къæбысты Георгий æмæ Джиоты Мирианы æрцахстой 7 ноябры. Фæстаджы аххосджын кӕнынц "егъаубӕрцӕй ӕнӕзакъонон амалиуӕгадон архайды".
"Мæн ахæстæй рауагътой знон республикæйæ ацæуынæй тобæимæ. Нæма йæ нӕ зонын, мæ хъуыддаджы фæдыл кæд уыдзæн радон æвзæрст тæрхондоны", — загъта Джиоты Мириан.
Раздæр Цхинвалы тæрхондон адарддӕр кодта ноджы дыууӕ мӕймӕ Къӕбысты Георгийы ахæст. Уый аххосджын кæнынц кусæгон барты сæрты ахизыны æмæ экономикон фыдракæндтæ саразыны.
