ЦХИНВАЛ, 15 дек — Sputnik. Хуссар Ирыстоны дисслокацигонд Хуссар æфсæддон зылды 58-æм æфсады уæрæсейаг æфсæддон базæйы территорийыл 16 декабры цытджын æгъдауæй байгом уыдзæн нырыккон æмдзæрæндон æфсæддон службæгæнджытæн æмæ сæ бинонтæн, хъусын кæны ХӔЗ-ы пресс-службæ.
Мадзал уагъд æрцæудзæн ХӔЗ-ы 58-æм æфсады командæгæнæг, инæлар-майор Евгений Никифоровы къухдариуæгадæй.
Ӕмдзæрæндон нымад у 32 бинонтæн æмæ арæзт у нырыккон стандарттæ æмæ домæнтæм гæсгæ экологон æгъдауæй сыгъдæг арæзтадон æрмæджытæй. Алы фатер дæр æнæхъæнæй ифтонг у хæдзарон дзауматæ æмæ коммуналон ифтонггарзæй, суанг спутникон телеуынынады онг.
2017 азы Цхинвал æмæ Дзауы поселочы æфсæддон городокты территоритыл нывæндынц эксплуатацимæ раттын инфраструктурæйы 20 объектæй фылдæр. Уыдоны æхсæн – цæрæн хæдзæрттæ, солдатты æмæ офицерты æмдзæрæндæттæ, скъолатæ, ахуырадон корпустæ, техникон ифтонгады æвæрæнтæ, кинологон городок, афтæ ма æндæр бæстыхæйттæ.
