ЦХИНВАЛ, 18 дек — Sputnik. Уæрæсейы Федерацийы президенты указæй Цæгат Ирыстоны нысангонд æрцыдысты ног тæрхонгæнджытæ. Ӕмбæлон документ мыхуыр æрцыд барадон информацийы официалон интернет-порталыл.
Алагираг районон тæрхондоны сæргълæууæг ссис Томайты Хъазбег, Кироваг районон тæрхондоны сæргъ та слæууыд Зæнгионты Батрадз. Сæ æххæстбарты æмгъуыд уыдзæн æхсæз азы.
Афтæ ма, Дзæуджыхъæуы Ленинаг районон тæрхондоны тæрхонгæнæгæй та нысан æрцыд Хъараты Зæлинæ.
