ЦХИНВАЛ, 19 дек — Sputnik. Уӕрӕсейы сӕйраг ногазон мадзалмӕ Хуссар Ирыстонӕй ацӕудзӕн 13 скъоладзауы. Ӕппӕтуӕрӕсейон наз бакӕндзысты 26 декабры.
"Кремлаг назмӕ ацӕудзысты сабитӕ 11-13 азы кары. Уыдон сты ӕххуысхъуаг бинонты сывӕллӕттӕ, сидзӕртӕ, афтӕ ма активисттӕ ӕмӕ фӕндзтыл чи ахуыр кӕны, уыдон", — загъта Sputnik ахуырады министрады кусӕг Буджиты Замира.
Йӕ ныхӕстӕм гӕсгӕ, Мӕскуыйы скъоладзаутӕм ӕнхъӕлмӕ кӕсы хъӕзныг культурон-хиирхӕфсӕн программӕ.
"25 декабры уыдон акӕндзысты Мӕскуыйаг планетариймӕ, 26 декабры уыдзӕн Ӕппӕтуӕрӕсейон назы ӕрбаконд, уый фӕстӕ та сабитӕн сараздзысты экскурси "Мосфильм"-мӕ", — загъта Буджиты Замира.
Хуссарирыстойнаг сывӕллӕттӕ ӕрвылаз дӕр райсынц хайад Кремлы ногазон мадзӕлтты.
