Ирон рэп-къорд ратдзæн фыццаг концерт Цхинвалы

© Из архива группы Young streetЦхинвайлаг рэп-группæ "Янг стрит"
Цхинвайлаг рэп-группæ Янг стрит - Sputnik Хуссар Ирыстон
Рафыссын
Цхинвайлаг рэп-группæ "Янг стрит"-ы фыццаг концерт ацæудзæн къуырисæры, 25 декабры, Профцæдисты бæстыхайы

ЦХИНВАЛ, 19 дек — Sputnik, Гæбæраты Ян. Рэп Ирыстоны бынтон ног фæзынд нæу: республикæйы ацы жанр раджы ауагъта уидæгтæ, фылдæр бæрцæй уый тыххæй, æмæ рэп цы ахсджиаг темæтæ агайы, уыдон ирон адæймагæн хорз зонгæ сты.

Альбион-ы хор рамбылдта республикон фестиваль - Sputnik Хуссар Ирыстон
"Альбион"-ы хор рамбылдта республикон фестиваль

Цхинвалы архайы бирæ андерграунд-къордтæ, кæцыты тректæ сæ гъæд æмæ мидисæй фæсте ницæмæй лæууынц бирæ хиттæй. Бынтон æрæджы "сусæгкуыстæй" рахызт æрыгон группæ "Янг стрит". Йæ архайæг Джиоты Руслан радзырда Sputnik йе ′ввахс сфæлдыстадон нывæзтты тыххæй.

"Рэп æххæст кæнын æстæм къласæй фæстæмæ. Къорды хайадисджыты хсæн сты 6-æм, 2-æм скъолаты æмæ Аивæдты лицейы ахуыргæнинæгтæ. Иумæ балхæнæм музыкæ æмæ йæ ритмыл фыссæм ныхæстæ. Удцырын нæм йæхæдæг æрцæуы, фæлæ мах нæ хъус дарæм æндæр æххæстгæнджыты сфæлдыстадмæ дæр, зæгъæм, MiyaGi&Эндшпиль", — радзырдта Руслан.

Йæ ныхæстæм гæсгæ, къорды фыццаг концерт ацæудзæн къуырисæры, 25 декабры, Профцæдисты бæстыхайы. Райдиан – 18:00 сахатыл.

Ног хабӕртты лентӕ
0