ЦХИНВАЛ, 21 дек — Sputnik. Змæлд "Корпус "Сыгъдæг æвзæрстыты фарс" æрæрвитдзæн йæ цæстдарджыты Хуссар Ирыстоны фадгуытæм Уæрæсейы президенты æвзæрстыты бон, хъусын кæны РИА Новости Ӕппæтуæрæсейаг æхсæнадон змæлды Централон советы сæргълæууæг Микаил Камиловы ныхæстæ.
"Мах райстам уынаффæ хæдбар Республикæ Хуссар Ирыстон-Аланийы территорийыл цæстдарды фæдыл, цы ран цæрынц 36 мин уæрæсейаг æмбæстаджы. Мах нæ цæст дардзыстæм республикæйы территорийыл", — загъта уый.
УФ президенты æвзæрстытæ ацæудзысты 2018 азы 18 марты.
